स्पेस समाचार 
काठमाडौं । सहिद ‘ए’ डिभिजन लिग फुटबलमा विभागीय टोली नेपाल पुलिस क्लबले पहिलो जित निकालेको छ।
सातदोबाटोस्थित एन्फा कम्प्लेक्समा सोमबार फ्रेन्ड्स क्लबलाई ३-१ गोल अन्तरले हराउँदै पुलिसले पहिलो जित निकालेको हो ।
पुलिसको जितमा बुद्ध बल तामाङले दुई गोल गरे । विदेशी खेलाडी मोसेसले एक गोल थपे ।
फ्रेन्ड्सका टोरिक जेब्रिनले एक गोल फर्काए । पुलिसले सातौं चरणमा आएर पहिलो जित निकालेको हो ।
जितसँगै पुलिसले ७ खेलमा ४ अंक जोडेको छ । फ्रेन्ड्सले पनि ७ खेलमा ४ अंक जोडेको छ ।
