स्पेस समाचार 
काठमाडौं । लगातार घटेको सेयर बजार परिसूचक नेप्से सोमबार सामान्य अंकले बढेको छ ।
सोमबार नेप्से ७ अंकले १९ सय ६७ बिन्दुमा पुगेको हो । १२ भदौमा १९ सय ९८ विन्दुमा रहेको सेयर बजार त्यसयता लगातार घट्दै आएको थियो ।
सोमबार २७० सूचीकृत धितोपत्रको ३२ हजार ५३३ वटा कारोबारबाट ३४ लाख ३२ हजार २६७ कित्ता धितोपत्र किनबेच भएको छ । त्यसबाट एक अर्ब ९ करोड ९१ लाख ४० हजार रुपैयाँ बराबरको कारोबार भएको छ ।
थ्री स्टार हाइड्रोपावरको सेयर सकारात्मक सर्किट लेबलमा कारोबार भएको छ । यस्तै दोल्ती पावर कम्पनी, ग्रीन भेन्चर लिमिटेड, रुरु जलविद्युत परियोजना, आशा लघुवित्त वित्तीय संस्थासहितको धितोपत्रका मूल्य पनि बढेको छ ।
