स्पेस समाचार 
काठमाडौं । प्यालेस्टाइनी समूह हमासले गरेको आक्रमणमा परी मृत्यु हुनेको संख्या १०० नाघेको इजरायली स्वास्थ्य मन्त्रालयले बताएको छ ।
अहिले ९८५ जना अस्पतालमा छन् । उनीहरुमध्ये कतिपयको अवस्था गम्भीर छ । इजरायली डिफेन्स फोर्सको आफ्नो सेनाले २२ स्थानमा चरमपन्थी समूहसँग लडिरहेको बताएको छ । दुई स्थानमा बन्धक जस्तै अवस्था रहेको उसले स्वीकार गरेको छ ।
उक्त घटनामा ७ जना नेपाली घाइते भएको नेपाली दूतावासले जनाएको छ ।
अहिलेसम्मको घटनाक्रममा गाजापट्टीबाट इजरायलमा दर्जनौं रकेट हानिएको छ, जसमा परी मृत्यु हुनेको संख्या १०० नाघेको इजरायली स्वास्थ्य मन्त्रालयले बताएको छ । आक्रमणमा परी घाइते हुनेहरूमा नेपाली नागरिक समेत छन् । परराष्ट्र मन्त्रालयका अनुसार ९ जना नेपाली घाइते भएको पुष्टि भएको छ, जसमध्ये दुई जनाको अवस्था गम्भीर छ ।
आक्रमणपछि हमासका दर्जनौं हतियारधारी लडाकू दक्षिणी इजरायलमा घुसेका छन् । प्रधानमन्त्री बेन्जामिन नेतान्याहुले भनेका छन्, यो युद्ध हो र यसको मूल्य चुकाउनुपर्छ । उनले सुरक्षा प्रमुखहरुको बैठकमा घुसपैठ गर्नेहरुलाई सफाया गर्न निर्देशन दिएका छन् ।
कैयौं इजरायलीलाई बन्धक बनाएर गाजापट्टी लगिएको खबर अन्तर्राष्ट्रिय सञ्चार माध्यमले दिएका छन् ।
इजरायली डिफेन्स फोर्स (आईडीएफ)ले हमासको अखडाहरुमा जवाफी आक्रमण गरेको छ । गाजापट्टीमा हमासको १७ अखडा र ४ हेडक्वाटरमा इजरायलले हवाई आक्रमण गरेको छ । विभिन्न देशका सरकार तथा राष्ट्र प्रमुखहरुले आक्रमणको निन्दा गरेका छन् । एजेन्सीको सहयोगमा
