स्पेस समाचार 
काठमाडौं । विश्वकप क्रिकेटको उपाधि जित्न अष्ट्रेलियाले २४१ रनको लक्ष्य पाएको छ।
टस हारेर पहिलो ब्याटिङ गरेको भारतले अस्ट्रेलियालाई जितको लागि २४१ रनको मध्यम लक्ष्य दिएको हो ।
अहमदाबादस्थित नरेन्द्र मोदी रंगशालामा टस हारेर पहिला ब्याटिङको निम्तो पाएको भारत ५० ओभरमा २४० रनमा अलआउट भएको हो ।
१०.२ ओभरमा ८६ रन बनाउँदा ३ विकेट गुमाएर दबाबमा परेको भारतलाई विराट कोहली र केएल राहुलले सम्मानजनक स्थितिसम्म पुर्याएका थिए । उनीहरुले चौथो विकेटका लागि ६७ रनको साझेदारी गरेका थिए ।
कोहली ५४ र राहुल ६६ रनमा आउट भए । साताैं नम्बरमा ब्याटिङमा आएका सूर्यकुमार यादवले १८ रन बनाए ।
यसअघि भारतका ओपनरद्वय शुभमन गिल ४ तथा रोहित शर्मा ४७ रनमा आउट भएका थिए । श्रेयश ऐयर ४ रन बनाउँदै आउट भएका थिए ।
टस जितेर पहिला फिल्डिङ गर्ने निर्णयलाई सही सावित गर्दै अस्ट्रेलियाका लागि मिचेल स्टार्कले ३ विकेट लिएका थिए । कप्तान प्याट कमिन्सले २ विकेट लिएका थिए ।
