स्पेस समाचार 
काठमाडौं । प्रधानमन्त्री कप राष्ट्रिय पुरुष एक दिवसीय क्रिकेट प्रतियोगिता पुस २८ देखि माघ २० गतेसम्म हुने भएको छ । नेपाल क्रिकेट संघ क्यानले सार्वजनिक गरेको तालिका अनुसार प्रतियोगिता मूलपानी, कीर्तिपुरस्थित त्रिवि मैदान र भैरहवास्थित सिद्धार्थ रंगशालामा हुनेछ ।
क्यानले त्रिवि मैदानमा फाइनलसहित सर्वाधिक १८ खेल सञ्चालन गर्ने जनाएको छ । यस्तै मूलपानीमा १७ र भैरहवामा ११ खेल हुनेछन् । प्रतियोगितामा तीन विभागीय र सात प्रदेशगरी १० टोलीको प्रतिष्पर्धा गर्नेछ । प्रतियोगिताको पहिलो दिन त्रिवि मैदानमा बागमती प्रदेश र नेपाल पुलिस क्लब, मूलपानीकमा कोशी र मधेश प्रदेश तथा भैरहवामा लुम्बिनी र गण्डकी प्रदेशबिच प्रतिस्पर्धा हुनेछ ।
सबै टोलीले राउन्ड रोविन लिगमा एक अर्कासँग प्रतिस्पर्धा गरेपछि शीर्ष दुई टोलीबिच उपाधि भिडन्त हुनेछ । यस प्रतियोगिताको शीर्ष चार टोलीबिच आगामी चैत र वैशाखमा एलिट ट्रफी खेलाउने क्यानले जनाएको छ ।
हेर्नुहाेस् खेल तालिका
