स्पेस समाचार 
काठमाडौं– नेपाली कांग्रेसका महामन्त्री गगन थापाले समुन्नत नेपाल, सम्मानित नेपालीको सपना साकार पार्ने अभियानमा लाग्न आग्रह गरेका छन् ।
नेपाली कांग्रेस स्थापना दिवसको ७८ औं स्थापना दिवसको अवसरमा महामन्त्री थापाले कांग्रेसको जगमा नै मुलुकमा राजनीतिक र आर्थिक उपलब्धी हासिल गरेको समेत बताएका छन् । सामाजिक सञ्जाल ट्विट मार्फत महामन्त्री थापाले भनेका छन्,आज माघ १२, नेपाली कांग्रेसको ७८औँ स्थापना दिवस ! यस अवसरमा सबै कांग्रेस कार्यकर्ता तथा शुभेच्छुकहरूमा शुभकामना ! पार्टी स्थापनाकाल देखि आजसम्म पार्टी निर्माणमा योगदान पुर्याउनुहुने सम्पूर्ण श्रद्धेय नेतागण, बलिदानी दिने सहिद तथा योद्धाहरू प्रति हार्दिक नमन गर्न चाहन्छु। हामीले, आज स्थापना दिवसको अवसरमा श्रद्धा, संकल्प र सम्मान कार्यक्रम आयोजना गरेका छौँ। तपाईँहरू सबैलाई पार्टी केन्द्रीय कार्यालयमा निमन्त्रणा पनि गर्न चाहन्छु।
महामन्त्री थापाले कांग्रेसको नेतृत्वमा मुलुकले हासिल गरेको राजनैतिक र आर्थिक उपलब्धिको जगमा समुन्नत नेपाल, सम्मानित नेपालीको सपना साकार पार्ने अभियानमा लाग्न समेत आग्रह गरेका छन् ।
