स्पेस समाचार 
काठमाडौं– प्रमुख प्रतिपक्ष दल नेकपा एमालेका अध्यक्ष केपी शर्मा ओलीले टीआरसी विधेयको मस्यौदा मिलाएर पारित गर्ने पक्षमा एमाले रहेको बताएका छन् । महोत्तरीको जलेश्वरमा पत्रकारहरुसँग कुरा गर्दै अध्यक्ष ओलीले शान्ति प्रक्रियासँग सम्बन्धित बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग ऐन (टीआरसी) को मस्यौदा मिलाएर पारित गरिने बताएका छन् ।
अध्यक्ष ओलीले भने,‘टीआरसीको मस्यौदामा केही कुराहरू मिलेको छैन । नेकपा एमालेले मस्यौदालाई मिलाएर पारित गर्ने पक्षमा छ । पीडितहरूले न्याय पाउनु पर्ने, ऐन पीडित केन्द्रित हुनु पर्ने, पीडितलाई पीडा थप्नु भएन, पीडितलाई जोरजुलुम गर्नु भएन, मानवताविरुद्धका जघन्य अपराधमा छुट नहुने गरी अर्न्तराष्ट्रिय समुदायले स्वीकार गर्ने गरी र सर्वोच्च अदालतको फैसलाअनुसार फेरि हिंसा नहुने गरी ऐन पारित गर्न एमाले तयार छ । ऐन पीडितमैत्री बन्नु पर्छ।’
अध्यक्ष ओलीले तीन तहको सरकारका कारण संघीयतामाथि प्रश्न उठिरहेको बताए । उनले संघीतामाथि प्रश्न उठाउने नभई कार्यान्वयन गर्ने बेला भएको प्रष्ट पारे ।,
