यू–१९ एक दिवसीय विश्वकप क्रिकेटको सेमिफाइनल खेल आजदेखि सुरु हुँदै

काठमाडौं–यू–१९ एकदिवसीय विश्वकप क्रिकेटको सेमिफाइनलका खेल आजदेखि शुरु हुने भएका छन् । दक्षिण अफ्रिकाको विलोमूर पार्क, बेनोनीमा नेपाली समयअनुसार आज दिउँसो पौने २ बजे हुने पहिलो सेमिफाइनलमा भारत र दक्षिण अफ्रिकाबीच प्रतिस्पर्धा हुने भएको छ ।

भोलिको खेलको विजेता फाइनलमा पुग्नेछ । बिहीवार हुने दोस्रो सेमिफाइनलमा पाकिस्तान र अष्ट्रेलियाबीच हुने प्रतिस्पर्धामा विजयी टोलीले उपाधिका लागि पहिलो सेमिफाइनलको विजेतासँग खेल्नेछ । यू–१९ एकदिवसीय विश्वकपको फाइनल खेल भने आगामी आइतवार हुने छ । समूह ए बाट भारत र पाकिस्तान अपराजित रहँदै सेमिफाइनल पुगेका हुन् भने समूह बी बाट अष्ट्रेलिया र दक्षिण अफ्रिका अन्तिम ४ मा पुगेका हुन् ।