स्पेस समाचार 
काठमाडौं–नेकपा माओवादीका सांसद जनार्दन शर्माले प्रधानमन्त्री पुष्पकमल दाहाल प्रचण्डले आत्म समिक्षा सहित नयाँ ढंगले काम गर्ने घोषणा गरेको बताएका छन् ।
बुधबार प्रतिनिधि सभाको बैठकमा बोल्दै सांसद शर्माले भने,’अहिले सरकारले सुशासन समृद्धि र सामाजिक न्यायको क्षेत्रमा सरकारले जुन पहल गरिरहेको छ । त्यसलाई तिब्र बनाउनका लागि यस संसदको खबरदारी साथ र सहयोग आवश्यक छ ।’
उनले थपे,’प्रधानमन्त्री ज्यूले आत्म समिक्षा सहित नयाँ ढंगले काम गर्ने घोषणा गर्नु भएको छ। ती घोषित नीतिहरु कर्यान्वयनका लागि समग्र राज्य संरचना र नेतृत्वको कार्यशैलीको आवश्यकता छ ।’
सांसद शर्माले इमान्दारिता भएपछि मात्रै सुशासन कायम हुने बताए ।
साथै उनले गत संसदको अधिवेशनले मिटरव्याज र नागरिकता सम्बन्धी कानुन बनाएको भन्दै त्यसलाई उपलब्धीको रुपमा लिनु पर्ने बताए ।
