स्पेस समाचार 
काठमाडौं–तत्कालिन केपी शर्मा ओली सरकारले गिरी बन्धु टी इस्टेटको जग्गा सट्टाभर्ना गर्न दिने गरेको निर्णय सर्वाेच्च अदालतले बदर गरेको छ । सर्वोच्च अदालतको संवैधानिक इजलासले कानुनी प्रावधान अनुकुल नदेखिएको र अपरिपक्व प्रकृतिको देखिएको भन्दै उक्त निर्णय बदर गरेको हो ।
२०७८ साल वैशाख १३ गते ओली सरकारले सट्टा भर्ना गर्न पाउने निर्णय गरेको थियो ।
उक्त निर्णय विरुद्धको फैसलामा सर्वोच्च अदालतले भनेको छ, ‘विवादित निर्णय भूमिसम्बन्धी ऐन, २०२१ को दफा १२९ग० लगायतका कानूनी प्रावधान अनुकूल नदेखिएको र अपरिपक्व प्रकृतिको देखिएको हुँदा उत्प्रेषणको आदेशले उक्त निर्णय र सो बमोजिम भए गरिएका काम कारबाही समेत बदर हुने ठहर्छ ।’
यस विषयमा स्पेस फोरके टेलिभिजनको कार्यक्रम जनता जनार्दन र स्पेस समाचार अनलाइनले निरन्तर रुपमा समाचार प्रकाशन र प्रशारणका साथै खबरदारी गरेको थियो ।
