नरेशचन्द्र बरबरिया 
सिरहा– सिरहाको अर्नमा गाउँपालिकामा छिमेकीको कोदालो प्रहारबाट एक जनाको मृत्यु भएको छ। खेतको सिमाना विवादका क्रममा अर्नमा २ ब्रहमपुरिका करिब ५५ वर्षीय बाचाई महतोको कोदालो प्रहारबाट अन्दाजी सोही उमेरका बुधराम महतोको घटनास्थलमै मृत्यु भएको हो।
लामो समयदेखि जमिन विवाद रहेका उनीहरू आज बिहान खेतमै भेट भएको बेला चर्का चर्की परेको थियो । सोही घटनाका क्रममा बाचाईको कोदालो प्रहार गर्दा बुधरामको मृत्यु भएको वडा अध्यक्ष दीपेन्द्र महतोले जानकारी दिए।
वडा अध्यक्ष यादवले उनीहरुबीच लामो समयदेखि जमिनको विषयमा मुद्दा चलिरहेको बताए। जमिनकै विवादका कारण आज यस्तो घटना भएको हुनसक्ने अध्यक्ष यादवको बताई रहेको छ।
हत्या घटना लगतै बचाई फरार भएका छन्। उनको खोजी भइरहेको प्रहरीले जनाएको छ।
मृतक महतोले लामो समय देखि विष्णुपुर चौकमा ग्यास सिलिन्डर, बिउ बिजन तथा कीटनाशक विषादीको पसल सञ्चालन गर्दै आएका बुझिएको छ ।
