स्पेस समाचार 
काठमाडौं–प्रमुख प्रतिपक्षी कांग्रेसले गृहमन्त्री रवि लामिछानेमाथि पक्राउ पुर्जी जारी हुनु पर्ने बताएको छ । सहकारी ठगी प्रकरणमा रवि लामिछानेलाई पक्राउ गर्नु पर्ने माग अघि बढाएको हो । मङ्गलवार प्रतिनिधि सभाको बैठकमा बोल्दै नेपाली कांग्रेसका संसद् एवम् कांग्रेस सहमहामन्त्री बद्री पाण्डेले उक्त कुरा बताएका हुन् ।
मङ्गलवारको प्रतिनिधि सभा बैठकमा बोल्दै नेपाली काँग्रेसका सहमहामन्त्री बद्रीप्रसाद पाण्डेले गृहमन्त्रीको जस्तै अभियोगमा बागमती प्रदेश सभा सांसद गीता बस्नेतसँगै उपप्रधानमन्त्री लामिछानेलाई पनि पक्राउ गर्नुपर्ने बताएका हुन । सरकारले सांसद बस्नेतलाई यसअघि नै पक्राउ पुर्जी जारी गरिसकेको छ । उनले ठगीको अभियोगमा सांसद बस्नेतलाई पक्राउ पुर्जी जारी हुने तर सोही अभियोग लागेका लामिछाने मुलुकको गृहमन्त्री हुने विडम्बनापूर्ण अवस्थाको अन्त्य हुनुपर्ने बताए । सहमहामन्त्री पाण्डेले उपप्रधानमन्त्री लामिछानेले देशका विभिन्न ठाउँका सहकारीबाट एवं अर्बभन्दा बढी रकम गोर्खा मिडियाको नाममा लिएर अपचलन गरेको दोहो¥याउँदै उनको नाम किटान गरेर संसदीय छानबिन समिति नबनेसम्म आफूहरूले संसद् बैठक चल्न नदिने अडान पनि राखे ।
उनले भने, ‘हामी हाम्रो अडानमा दृढ छौं सम्माननीय सभामुख महोदय । लाखौँ सहकारी पीडितहरूलाई न्याय दिने कर्तव्यबाट हामी कदापि च्युत हुनै छैनौँ । सम्माननीय सभामुख ज्युमार्फत देशभरका सहकारी पीडितहरूलाई म आश्वस्त पार्न चाहन्छु बचतकर्ताको बचत फिर्ताको सुनिश्चितता नभएसम्म हाम्रो लडाइँले विश्राम पाउने छैन। म आग्रह गर्न चाहन्छु । संसदीय छानबिन समिति गठनको सैद्धान्तिक सहमतिपछि पनि टिओआर निर्माणमा कुरा नमिलेको हामी सबैले थाहा पाएका छौं । पछिल्लो दिनमा समाचारहरू अझ प्रकट ढङ्गले, प्रमाणित ढङ्गले आइरहेका छन् । स्वर्ण लक्ष्मी काठमाडौं, सुप्रिम बुटवल, सहारा चितवन, सूयर्दशन पोखरा, सूर्य दर्शन पोखरा समेतका ४ वटा सहकारीबाट गोर्खा मिडिया नेटवर्कले करिब एक अर्बको ऋण लिएको छ । त्यो ऋण तीनै सहकारीबाट लिइएको हो । र गोर्खा मिडियाले त्यो ऋण पाएको हो । त्यो बेलामा त्यसको प्रबन्ध निर्देशक माननीय गृहमन्त्री रवि लामिछाने हुनुहुन्छ । यसको पुष्टि र प्रमाणित हुने अनेक आधारहरू छन् । सहकारी कार्यालयमा त्यसको पुष्टि भएको छ । प्रहरीका विभिन्न कार्यालयमा त्यसको पुष्टि भएको छ । सिआईवीको रिर्पोटमा त्यसको पुष्टि भएको छ । महानगर र अदालतसम्म पुगेका छन् ती रिपोर्टहरू । र सबै सुरक्षित छन् । यस्तो अवस्थामा माननीय गृहमन्त्रीको संलग्नताको दाबी सम्पूर्ण हिसाबले पुष्टि भएको छ । यस्तै खालको अभियोग भोगिरहेका सबै सदनका माननीय गीता बस्नेतमाथि पक्राउ पुर्जी जारी भएको हामीले सुनेका छौं । एउटै सदनका दुई जना माननीय सदस्य एउटै अभियोग एक जनालाई पक्राउ पूँर्जी जारी भएर फरारको सूचिमा रहनुपर्ने र अर्को एक जना गृहमन्त्री हुनुपर्ने यो कस्तो विडम्बना हो, र यो कस्तो न्याय हो रु हामीले यति मात्रै भनिरहेका छौं । यस विषयमा हाम्रो दाबी यो हो भने गृहमन्त्रीको दाबी छ–म यसमा संलग्न छैन । त्यसो हो भने संसदीय छानबिन समिति बनाऊ । दाबी अनुसार उहाँ संलग्न भएको होइन भने उहाँले उन्मुक्ति पाउनुहोस्, सफाइ पाउनुहोस् । दाबी अनुसार उहाँ संलग्न भएको हो भने माननीय गीता बस्नेतलाई जस्तै उहाँलाई पनि पक्राउ पुर्जी जारी होस् । हाम्रो यति मात्रै आग्रह हो । हामीलाई थाहा छ यस क्रममा गृहमन्त्रीले बोल्ने काम गर्नुभयो ।’
सहमहामन्त्री पाण्डेले कान्तिपुरका अध्यक्ष कैलाश सिरोहियाबिरुद्ध पक्राउ पुर्जी जारी भएको भन्दै कानुनको दायरामा हरेक नागरिकलाई ल्याउनुपर्ने भए पनि आग्रह र पूर्वाग्रह राखेर कसैमाथि कारबाही भएको खण्डमा नेपाली काँग्रेसले नसहने बताए ।
