स्पेस समाचार 
एजेन्सी–गाजा पट्टीको उत्तर पश्चिमी सहर रफाहमा आइतबार साँझ इजरायलले पालमा गरेको आक्रमणमा कम्तीमा ४० व्यक्तिको मृत्यु हुनुका साथै अन्य केही घाइते भएको प्यालेस्टिनी आधिकारिक समाचार संस्था वाफाले जनाएको छ ।
इजरायली आक्रमणले प्यालेस्टाइन शरणार्थीहरूका लागि संयुक्त राष्ट्र सङ्घको राहत र कार्य एजेन्सी इन द नेयर इस्टको गोदामहरू नजिकै हजारौँ विस्थापित मानिसहरूले भरिएको क्षेत्रमा आक्रमण गरेको थियो । अप्ठ्यारो भू–भागका कारण शव निकाल्न सिभिल डिफेन्स र एम्बुलेन्स टोलीलाई निकै बाधा पर्ने गरेको स्रोतले जनाएको छ । प्यालेस्टिनी सुरक्षा स्रोतहरूले गाजाको भीड भएको क्षेत्रलाई इजरायली सेनाले हमला अघि सुरक्षित क्षेत्रको रूपमा वर्गीकृत गरेको थियो ।
आइतबार राति जारी गरेको विज्ञप्तिमा हमासले बम विस्फोटलाई रफाह विरुद्धको आक्रामकता रोक्न माग गर्ने अन्तर्राष्ट्रिय न्यायालय ९आईसीजे० को निर्णयको पूर्ण अवहेलना भनेर आलोचना गरेको छ । इजरायलले रफाहलाई हमासको अन्तिम गढ मानेको छ । जसले गाजा पट्टीलाई सन् २००७ देखि नियन्त्रण गरेको छ ।
