स्पेस समाचार 
काठमाडौं–अनुसन्धानका लागि उपप्रधानमन्त्री तथा गृहमन्त्री रवि लामिछानेले गाँजाको औषधिजन्य प्रयोगका लागि एक महिना भित्र आवश्यक कानुनी प्रबन्ध गर्ने बताउनुभएको छ ।
आफ्नो मन्त्रालयले सय दिनमा गरेको कामबारे जानकारी दिन शुक्रवार सिंहदरबारमा आयोजित पत्रकार सम्मेलनमा बोल्दै उहाँले सो कुरा बताएका हुन् । औषधिजन्य प्रयोजन र औद्योगिक प्रयोजनका लागि गाँजाको लिगलाईजेशनका लागि नीति बनाउनु पर्ने उल्लेख गर्दै उपप्रधानमन्त्री लामिछानेले त्यसका लागि एक महिना भित्र त्यसको एउटा राम्रो कानुनी प्रावधान निर्माण गर्ने बताए । त्यसै गरी उनले कानुनी प्रबन्ध हुनसाथ निश्चित क्षेत्रमा त्यसको अनुसन्धानको काम पनि सुरु गर्ने बताए ।
उपप्रधानमन्त्री लामिछानेले भने, ‘विपद् व्यवस्थापनका लागि कमान सेन्टर स्थापना गरिएको छ । त्यसै गरी यो औषधिजन्य प्रयोजन र औद्योगिक प्रयोजनका लागि गाँजाको लिगलाईजेशनका लागि हामीले बनाउनुपर्ने नीति बनाउनुपर्ने हुन्छ । त्यसका लागि एक महिनाको समय भनेर हामी भनिसकेका छौँ । गृह मन्त्रालयले एक महिना भित्र त्यसको एउटा राम्रो कानुनी प्रावधान निर्माण गर्नेछ । निर्देशिका तयार गर्नेछ । त्यो निर्देशिकाले अब अनुसन्धान गर्नका निमित्त गाँजाको औषधिजन्य प्रयोगका लागि अनुसन्धान गर्नको निमित्त निश्चित क्षेत्रमा चाहे त्यो ल्याब खडा गर्नका निमित्त, चाहे अरू प्रयोजनका लागि होस् । निश्चित एरिया भित्र सुरुवात गर्ने छ । त्यो एक महिना भित्र हामी सम्पन्न गर्नेछौँ । ’
उपप्रधानमन्त्री लामिछानेले विपद् व्यवस्थापनका लागि पनि देशभर आवश्यक अनुसार कमान सेन्टर स्थापना गरी काम सुरु गरिएको पनि बताए ।
