स्पेस समाचार 
काठमाडौं–अख्तियार दुरुपयोग अनुसन्धान आयोगले मुख्यसचिव डा वैकुण्ठ अर्यालसहित कांग्रेसका पूर्व दुई मन्त्री विरुद्ध भ्रष्टाचार मुद्दा दायर गर्ने तयारी गरेको छ । अख्तियार स्रोतका अनुसार नेपाल दूरसञ्चार प्राधिकरणको टेरामक्स प्रकरण र सुरक्षण मुद्रण केन्द्रबाट अन्तःशुल्कको स्टिकर खरिद गर्ने निर्णयमा उनको संलग्नता भएको भन्दै मुद्दा दायर गर्ने तयारी गरेको हो ।
अख्तियार स्रोतका अनुसार निर्णय प्रक्रियामा संलग्नहरूमाथि आजै विशेष अदालतमा मुद्दा दर्ता गर्ने तयारी छ । अख्तियारले सामान्यतः सोमवार र बिहीबार यस्ता मुद्दाहरू विशेष अदालतमा लैजाने गर्छ । शुक्रवार नै आयोगको बैठकले मुद्दा लैजाने निर्णय गरिसकेको स्रोतले जनाएको छ ।
आयोगमा निर्णय प्रक्रियामा संलग्न तत्कालीन मन्त्रीहरू ज्ञानेन्द्रवहादुर कार्की र मोहन बस्नेतमाथि मुद्दा चलाउने सन्दर्भमा आयुक्तहरू विभाजित भएका थिए । तत्कालीन मन्त्रीको सन्दर्भमा मुद्दा दर्ता हुने वा नहुने विशेष अदालतमा अभियोग पत्र लैजाने बेलासम्म मात्र थाहा हुने आयोग स्रोतको भनाइ छ ।
