स्पेस समाचार 
काठमाडौं–गत शुक्रबार बिहान नारायणघाट–मुग्लिङ सडकको सिमलतालबाट दुई वटा बसहरू त्रिशूलीमा खस्दा बेपत्ता भएका यात्रुहरू मध्ये कुनै एक जनाको शव हुन सक्ने आशङ्का गरिएको छ ।
आइतबार बिहान पश्चिम चितवनको भरतपुर महानगरपालिका–२८ मा एक पुरुषको शव फेला परेको हो । नारायणी नदीको टापुमा घोप्टो परेको अवस्थामा अन्दाजी ३० देखि ३५ वर्षको पुरुषको शव फेला परेको प्रहरीले जनाएको छ ।
शवलाई पोस्टमार्टमका लागि भरतपुर अस्पताल पुर्याएको छ । यस अघि तीन जनाको शव भेटिएको थियो भने उनीहरूको सनाखत समेत भएको थियो ।
