स्पेस समाचार 
काठमाडौं–नेपाली कांग्रेसका उपसभापति पूर्णबहादुर खड्काले भ्रष्टाचारको अन्त्य गरी सुशासन कायम गर्नु कांग्रेसको प्रमुख नीति हुने बताएका छन् ।
मंगलवार पार्टीको महासमिति बैठकमा पार्टीको नीतिगत प्रतिवेदन प्रश्तुत गर्दै उपसभापति खड्काले देशमा देशमा भ्रष्टाचारको अन्त्य गरी सुशासन स्थापना गर्नु कांग्रेसको प्रमुख नीति रहने बताए । सुशासन तथा सदाचार नीति तर्जुमा, बलियो भ्रष्टाचारविरुद्धको ऐन निर्माण र त्यसको प्रभावकारी कार्यान्वयनलाई काँग्रेसले मुल नीतिको रुपमा स्वीकार गर्नुपर्ने उनको प्रस्ताव छ ।
समाजमा असमानता बढाउने प्रमुख कारक कुशासन र भ्रष्टाचार भएको भन्दै उनले समुन्नति, सुशासन स्थापना र भ्रष्टाचार नियन्त्रण एक अर्काका पूरक भएको बताए ।े कांग्रेसले भ्रष्टाचारबिरुद्ध शुन्य सहनशिलता अपनाउँदै आफ्ना हरेक गतिविधिलाई पारदर्शी बनाउने अठोट र संकल्प गर्नुपर्ने उनको भनाइ छ । वर्तमान सरकारले सुशासनको सम्बन्धमा केही सकारात्मक कदम चालेको भन्दै उनले सो कदम सुखद् र आशालाग्दो संकेत भएको बताए ।
संविधानको आधारभुत रचनामा प्रतिकुल असर नपर्ने गरी आवश्यकताअनुसार संविधान संशोधन गर्न कांग्रेस खुला रहेको उनले स्पष्ट पारे । संविधान संशोधनको आवश्यक नेतृत्व पनि नेपाली कांग्रेस आफैँले लिने उनको भनाइ छ ।
