स्पेस समाचार 
काठमाडौं। धनकुटामा एकै परिवारका तीन जना मृत फेला परेका छन। बुधबार राति धनकुटा नगरपालिका १ निगोलका ३५ वर्षीय टिकाराम गुरुङ, उनकी श्रीमती भिमा गुरुङ र उनीहरुको ११ वर्षीय छोरा आयुष घरभित्रै मृत फेला परेको प्रहरीले जनाएको छ।
टिकारामको शव घरको दलिनमा झुण्डिएको अवस्थामा फेला परेको थियो। त्यसैगरी उनकी श्रीमती भिमा र छोरा आयुष खाटमा मृत फेला परेको जिल्ला प्रहरी कार्यालय धनकुटाकाले जनाएको छ।
प्रहरीका अनुसार उनीहरुकी ६ वर्षीया छोरी सकुशल छिन् । घटनाको वास्तविक विवरण भने आउन बाँकी रहेको प्रहरीले जनाएको छ।
