स्पेस समाचार 
धनगढी– सुदूरपश्चिम प्रदेशसभाको समाजिक विकास समितिले आपूर्ती व्यवस्थापन केन्द्रका निर्देशक डा. निरज अर्याललाई निलम्बन गर्न निर्देशन दिएको छ ।
आइतबार बसेको समितिको बैठकले डा. अर्यालमाथि छानविन गर्न स्वास्थ्य सेवा विभागलाई आग्रह समेत गरेको छ ।
समितिका सदस्य ओमविक्रम भाट ‘सरल’ का अनुसार डा. अर्यालले गरेको निजीगत कमजोरीबारे छानविन गर्न स्वास्थ्य सेवा विभागबाट बायोमेड इन्जिनियर बोलाउन समेत समितिले निर्देशन दिएको छ ।
डा. निर्देशक अर्यालले चारवटा अस्पतालको लागि फोहोर मैला व्यवस्थापन सिस्टम खरिदमा सेटिङ गरेरको स्पेस फाेरकेले निरन्तर रूपमा समाचार प्रकाशित गरेको थियो ।
“आज बसेको समितिको बैठकमा डा. अर्याललाई बोलाएर जवाफ माग्यौं तर उहाँले एउटा पनि प्रश्नको चित्तोबुझ्दो जवाफ दिनुभएन । समितिले उहाँलाई छानविनको लागि निर्देशन दिने र त्यतिबेलासम्म उहाँलाई निलम्बन गर्न पनि निर्देशन दिएको छ” सरलले भने ।
निर्देशक डा. अर्यालले विवादित व्यवसायी विशाल पण्डितसँगको मिलेमतोमा खरिद गर्न लागेको आरोप लागेको थियो ।
