स्पेस समाचार 
काठमाडौं । तीनकुनेमा भएको प्रदर्शनमा मृत भेटिएका पत्रकार सुरेश रजकको शरीरको एक्स-रे गरिएको छ ।
शरीरको पोर्टेबल एक्स–रे गरेपछि मात्र पोस्टमार्टम गर्ने चिकित्सकको अडानपछि एक्स-रे गरिएको जिल्ला प्रहरी परिसर काठमाडौँले जानकारी दिएको छ ।
उनलाई पनि गोली लागेको भनेर प्रचार भएसँगै चिकित्सकहरूले त्यसबारे यकिन गर्न एक्स-रे गर्नुपर्ने अडान राखेका थिए । तीनकुनेमा आगो लगाएर हत्या गरिएका पत्रकार रजकको शव पोस्टमार्टमका लागि जिल्ला प्रहरी परिसर, काठमाडौंले मंगलबार पत्र पठाएको थियो ।
यसअघि प्रहरीले भने गोली लागेको भनी चलाइएको हल्लाको प्रेस विज्ञप्ती मार्फत खण्डन गरेको थियो । ३३ वर्षीय रजकको शरीर ७० प्रतिशत भाग जलेको छ । राजधानीको तीनकुनेमा जिउँदै जलाएर हत्या गरिएका पत्रकार सुरेश रजकको शव पोस्टमार्टम आज हुने भएको छ । प्रदर्शनको भिडियो खिच्न उनी सो घरमा गएका हुन् ।
