स्पेस समाचार 
एजेन्सी । भारतीय चर्चित गायक कैलाश खेरमाथि आक्रमण भएको छ ।
भारतीय सञ्चार माध्यामका अनुसार कर्नाटकमा एक महोत्सवको क्रममा खेरमाथि आक्रमण भएको हो ।
महोत्सव जनवरी २७ बाट सुरू भएको थियो । तर, आइतबार भने महोत्सवमा गीत गाउन कैलाश सहभागी भएका थिए सोही क्रममा उनीमाथि आक्रमण भएको हो ।
महोत्सवमा एक व्यक्तिले कैलाशमाथि बोतल प्रहार गरेको थियो । तत्कालै घटनास्थलमा उपस्थित प्रहरीले कैलाशमाथि बोतल फ्याँक्ने व्यक्तिलाई पक्राउ गरेको छ ।
कैलाश कर्नाटकमा हम्पी महोत्सवमा गीत गाउँदै थिए । यसैबीच कैलाशकलाई महोत्सवमा उपस्थित दुई युवकले कन्नड गीत गाउन माग गर्न थाले । कैलाशले गीत नगायपछि उनले स्टेजमा प्रस्तुति गरिरहेका कैलाशमाथि भरी पानीको बोतलले हानेका थिए ।
