स्पेस समाचार 
काठमाडौं । विश्वकप क्रिकेट अन्तर्गत मंगलवार भएको पाकिस्तान र श्रीलंकाबीचको खेलमा ४ जना खेलाडीले सतक बनाएका छन् ।
६८९ रन बनेको खेलमा पाकिस्तानले श्रीलंकलाई ६ विकेटले हरायो । खेलमा श्रीलंका र पाकिस्तानका २-२ ब्याट्सम्यानले शतक बनाएका थिए ।तर पाकिस्तानका मोहमद रिजवान र अब्दुल सफिकले शतक बनाएपछि उसले ३४५ रनको लक्ष्य खेल सकिन १० बल बाँकी छँदै ४ विकेट गुमाएर पूरा गर्यो ।
ओपनर सफिकले १०३ बलमा ११३ रन बनाए भने मोहमद रिजवान १३१ रनमा नट आउट रहे । १२१ बल खेलेका रिजवानले ८ चौका र ३ छक्का हाने ।
यसअघि पहिला ब्याटिङ गरेको श्रीलंकाका कुशल मेन्डिसले १२२ तथा सदिरा समराविक्रमले १०८ रन बनाएका थिए ।
मेन्डिसले मात्र ७७ बलमा १४ चौका र ६ छक्काको मद्दतमा १२२ रन बनाएका हुन् । ८९ बल खेलेका सदिराले भने ११ चौका र दुई छक्का हानेका थिए । यी दुईले तेस्रो विकेटका लागि १११ रनको साझेदारी पनि गरेका थिए ।
सदिरा ब्याटिङमा आउनुअघि मेन्डिसले ओपनर पथुम निसंकासँग दोस्रो विकेटका लागि १०२ रनको साझेदारी गरेका थिए । तर पनि श्रीलंका पराजित भयो ।
