स्पेस समाचार 
काठमाडौं । इण्डियन आइडलमा प्रतिस्पर्धा गरिरहेकी नेपालकी मेनुका पौडेललाई मञ्चमै फिल्मको अफर गरिएको छ ।
उक्त शोको दिपावली विशेष एपिसोडमा एक गेस्टले उनलाई फिल्ममा अभिनय र गायनको प्रस्ताव राखेका हुन् ।
मेनुकाको गायकीबाट प्रभावित भएका उनले “लभ एट फस्ट साउन्ड” कथा वस्तुमा आधारित फिल्ममा गायन र अभिनयका लागि प्रस्ताव गरेका हुन् ।
इण्डियन आइडलको मंचमै फिल्मको प्रस्ताव आएपछि मेनुकालाई दिपावलीको राम्रो उपहार मिलेको भन्दै प्रशंसा भैरहेको छ ।
भारतीय संचारमाध्यमहरुले मेनुकाको आवाजलाई लता मंगेशकरको आवाजसँग तुलना गरेका छन् । उनलाई सम्भावित फाइनालिस्टको रुपमा हेरिएको छ । अहिले उनी टप १५ मा प्रतिस्पर्धा गरिरहेकी छिन् ।
– एजेन्सीको सहयोगमा
