स्पेस समाचार 
काठमाडौं। हुम्ला लगायतका उच्च हिमाली भेगमा हिमपात सुरु भएको छ। सोमबार विहानै मौसममा आएको परिवर्तनसँगै हुम्ला,मुगु,बझाङ,बाजुरा र डडेल्धुरा लगायतका हिमाली क्षेत्रमा हिमपात भईरहेको छ।
बाक्लो हुस्सुका कारण हवाई सेवा समेत अवरुद्ध भएको छ । कैलाली लगायतका पश्चिमी जिल्लामा पानी समेत परेको स्थानीयबासीहरुले जनाएका छन। हिमपातसँगै चिसो बढेपछि हाल जुम्लाको तापक्रम ३ दशमलव ९ डिग्रीमा झरेको छ । चिसोको कारण जनजीवन कष्टकर बनेको छ भने चौपायालाई समेत समस्या भएको छ ।
पानी र हिमपात परेसँगै कृषकहरुले लगाएको बालीलाई राहत पुग्ने भएपछि खुसी देखिएका छन।
