स्पेस समाचार 
काठमाडौं। जाजरकोट जिल्लाको छेडागाड ०८ को वडा कार्यालयमा महिलाहरुले भूकम्प पीडितहरुलाई राहत दिने नाममा राजनीतिक चलखेल गरेको भन्दै तालाबन्दी गरेका छन।
विहिबार राहत वितरण र अस्थायी टहरा छनोटमा राजनीतिक चलखेल भएको भन्दै रौतनगाउ, रुव गाउँ लगायतका महिलाले छेडागाड नगरपालिका ०८ को वडा कार्यालयमा तालाबन्दी गरेका हुन् ।
वडामा आएको राहत आफन्त र आसेपासेलाई मात्र वितरण गरेको उनीहरुको आरोप छ । त्यसमा पनि अस्थायी आवास छनोटमा वास्तविक पीडितको घर छनोट नभएको, आफन्त र नातागोताको घरमात्र छनोट भएको भन्दै उनीहरु आक्रोशित भएका छन् ।
वास्तविक पीडितले राहत नपाएसम्म ताला नखुल्ने पीडित महिलाले स्पेस समाचारलाई जानकारी दिएकी छन। उक्त वडामा नेकपा एमालेबाट सत्यनारायण गिरी निर्वाचित भएका थिए।
