स्पेस समाचार 
काठमाडौं-काठमाडौं महानगरपालिकाका मेयर बालेन्द्र साह(बालेन)ले राष्ट्रिय सभा सदस्यको निर्वाचनमा भाग नलिने भएका छन् । उपप्रमुख सनिता डंगोल हेटौंडामा पुग्दा बालेन भने काठमाडौंमै छन् ।
‘भर्खर काठमाडौं महानगरपालिकामा नयाँ प्रशासकिय प्रमुख ज्यू आउनु भएको छ । सोही सन्दर्भमा मेयर साहवले पूर्व निर्धारित विभागीय प्रमुखसँग बैठक भएका कारण मतदान गर्न जान पाउनु भएन,’ बालेनका प्रेस सहजकर्ता सुरेन्द्र बजगाईंले स्पेस समाचारसँग भने ।
राष्ट्रिय सभा सदस्य निर्वाचनको लागि बागमती प्रदेशको तर्फबाट राजधानी हेटौंडामा मतदान भइरहेको छ । उपप्रमुख सुनिता डंगोल भने मतदानका लागि हेटौंडा पुगेर मतदान गरेकी छिन् ।
