स्पेस समाचार 
काठमाडौं–प्रमुख प्रतिपक्ष दल नेपाली कांग्रेसका सांसद विश्वप्रकाश शर्माले कांग्रेसकै मतका कारण माओवादी सदनमा तेस्रो दल भएको बताए । माओवादीकै कारण कांग्रेस पहिलो दल बनेको भए पनि कांग्रेसले माओवादीले धोका दिएको भन्ने प्रचण्डको अभिव्यक्तिलाई खण्डन गर्दै सांसद शर्माले उक्त कुरा बताएका हुन् ।
प्रतिनिधि सभाको बैठकमा बोल्दै उनले माओवादी नै धोकेबाज भएको आरोप लगाए । उनले भने,पालै पालो विपक्षमा उभिएकाहरु एउटै पक्षमा उभियो भने,धोका खाएकाहरु एक हौँ भनेर नारा लाग्यो भने नि ।तब चाहिँ राजनेताको गद्दीको हालत के होला ? उनले आफूले स्थिती बदलौँ भनेको तर उनले गठबन्धन बदलिएको आरोप लगाए ।
उनले कांग्रेस कोशीमा धोका दिएको भन्ने अभिव्यक्ति प्रति आफ्ना प्रदेश सभा सदस्यले रोल्पामा माओवादीबाट धोका पाएको बताए ।
कांग्रेस महामन्त्री समेत रहेका शर्माले देशमा विश्वासको खडेरी भएको र प्रचण्डले एक वर्षमा तीन पटक विश्वासको मत लिएको बताए ।
उनले भने, ‘अहिले प्रधानमन्त्री ज्यूसँग राजनीतिक रुपमा अविश्वास सबैको छ । तर गणितमा उहाँ विश्वासमा हुनुहुन्छ । ’
शर्माले विश्वासको मत नै नलिई प्रदेश प्रमुख बर्खास्त गर्नु आफ्नो बहादुरी पेस गर्न खोजेको बताए ।
उनले भने, ‘प्रधानमन्त्री ज्यू विश्वासको मत नै नलिई प्रदेश प्रमुख बर्खास्त गरेर बहादुरी पेस गर्न किन आपत्ति ?’
