स्पेस समाचार 
काठमाडौं । हाल देशमा स्थानीयसँगै पश्चिमी वायुको सामान्य प्रभाव रहेको छ।
पहाडी भूभागमा आंशिक बदली रही बाँकी स्थानको मौसम सफा रहेको मौसम पूर्वानुमान महाशाखाले जनाएको छ।
दिउँसो कोशी र गण्डकी प्रदेशसहित देशका पहाडी भूभागमा मेघगर्जन र चट्याङसँगै वर्षाको सम्भावना छ। तराईका केही स्थानमा हावाहुरीसमेत चल्न सक्ने महाशाखाले जनाएको छ।
राति गण्डकी, बागमती र कोशीका पहाडी भूभागमा आंशिक बदली हुनेछ। यस्तै पहाडी भूभागका केही स्थानमा मेघगर्जन र चट्याङसहित वर्षाको सम्भावना छ।
हावाहुरी र चट्याङसहित वर्षा हुने भएकाले सतर्कता अपनाउन महाशाखाले अनुरोध गरेको छ।
