स्पेस समाचार 
काठमाडौं–नेकपा एमालेका नेता विष्णु रिजालले सरकार भ्रष्टाचारीलाई कारबाही गर्ने भन्दा पनि जोगाउने खेलमा लागेको आरोप लगाएका छन् ।
स्पेस फोरके टेलिभिजनको स्पेस सम्वादमा कुरा गर्दै नेता रिजालले सरकारलाई समेत सिमित परिवारले चलाइरहेको बताएका छन् । पछिल्लो समय बाहिर आएको बाँसबारी छाला जुत्ता कारखानाको १० रोपनी जग्गा हिनामिना प्रकरणमा समेत प्रहरीले गरिरहेको अनुसन्धनामा राजनीतिक हस्तक्षेप हुनु गलत भएको उनको भनाइ छ । आरोप लागिसकेपछि अभियुक्तलाई हिरासतमा राख्नुको साँटो बिरामीको बहानामा अस्पतालमा राखिनुपनि शंकास्पद रहेको रिजालको तर्क छ ।
एक फरक प्रंसगमा कुरा गर्दै नेता रिजालले अहिले सरकार मुलुक बनाउन भन्दा पनि नेताहरु आफू बन्न पट्टी लागेको बताए । सरकारले जनतालाई डेलिभरी दिने सवालमा होस्, संसदमा बिजनेश दिने कुरामा सबैतिर चुकेको रिजालको भनाइ छ ।
मुलुकमा व्याप्त भ्रष्टाचार, घुसखोरी, विचौलियापनलाई सरकारले निरुत्साहित गर्न नसक्दा आलोचना खेपिरहेको छ । एकपछि अर्को आउने गरेका काण्डमा शुरुमा सरकार सक्रिय बन्ने पछि बिस्तारै सेलाउँदै जाने प्रवृत्तिले जनतामा निराशा छाएको हो ।
सुन्नुहाेस् नेता रिजालसँगकाे पूरा कुराकानी
