स्पेस समाचार 
काठमाडौं–संसद भवन अगाडि आत्मदाह गरेका प्रेम आचार्य समर्पित सूर्याेदय भिडियो सार्वजनिक भएको छ । आचार्यले आत्मदाह गर्नुपर्ने बाध्यता र उनले भोगेको जीवन कहानी देखाइएको छ ।
धनको खाँचो,ऋणको बोझ,प्राकृतिक प्रकोप र आफ्नै मुलुकमा केही गरौ भन्ने अभिलासा हुँदा हुँदै विभिन्न कारणले असफल भएसँगै आत्मदाह गर्नु परेको अवस्था भिडियोमा चित्रण गरेको छ ।
भिडियोमा जेएलसन अधिकारी प्रमुख पात्र रहेका छन् । भिडियो लोकप्रिय भएसँगै उनको चौतर्फी चर्चा समेत भइरहेको छ । भिडियोमा सुरभी सापकोटा, जयन्ता अधिकारी, अभिषेक ,शरद न्यौपाने लगायतको अभिनय रहेको छ । आना डुलुस र उत्साह जोशीको कथा र अवधारणामा युनिक पोइटको शब्दमा बनेको भिडियोमा युनिक पोइट र प्रकृति बस्नेत भट्टराईको आवाज रहेको छ ।
संगीत निर्माताका रूपमा रिल्क्पास रहेको भिडियोमा अनीश तिवारी र सृजन श्यामाले भिडियोको कथा अनुसारको सांस्कृतिक बाजा हालेका छन् । नयन राईले छायाङ्कन गरेको भिडियोलाई नुजन डङ्गोलले सम्पादन गरेका हुन् । क्षितिज सिंह, अशोक अधिकारी र नुजन डङ्गोलको भिएफएक्स रहेको भिडियोको अञ्जन लिम्बुले रङ्ग संयोजन गरेका हुन् ।
लक्ष्मण खडका कार्यकारी निर्माता रहेको भिडियोमा निसम गोर्खालीको सह निर्देशन रहेको छ । भिडियोका लागि प्रोडक्सन डिजाइन, कस्ट्युम डिजाइन् र मेकअपको समेत जिम्मेवारी निर्वाह गरेकी निर्माता समेत रहेकी आना डुलुसले भिडियोको निर्देशन गरेकी हुन् ।
हेर्नुहोस् भिडियो
