स्पेस समाचार 
काठमाडौं । महन्थ ठाकुर नेतृत्वको लोकतान्त्रिक समाजवादी पार्टीले भूमिसम्बन्धी अध्यादेश अस्वीकार गर्ने भएको छ । अध्यक्ष ठाकुरले एक विज्ञप्ति जारी गर्दै यथास्थितिमा यो अध्यादेश स्विकार्न नसक्ने बताएका छन् ।
यो अध्यादेशले वन फडानी र अवैध कब्जा गर्ने प्रवृत्तिलाई बढावा दिने लोसपाका निष्कर्ष छ । राष्ट्रियसभामा अध्यादेश पारित गर्न निर्णायक रहेको जसपा नेपालले पनि यसअघि नै यो अध्यादेश अस्वीकार गर्ने निर्णय गरिसकेको छ ।
सरकारमै सहभागी लोसपाका राष्ट्रियसभामा एक सिट छ । यस्तो सरकारले ल्याएका अध्यादेश पारित नहुने सम्भावना बढेको छ । यसले गर्दा सरकार नैतिक संकटमासमेत परेको छ ।
