स्पेस समाचार 
काठमाडौं । जाजरकोट केन्द्रबिन्दु भई गएको भूकम्पमा ज्यान गुमाउने १३८ जनाको सनाखत भएको छ ।
शनिबार अपरान्हसम्म भूकम्पमा परेकाहरूको उद्धारकार्य करिब सकिएको प्रहरीले जनाएको छ।
कर्णाली प्रदेश प्रहरी कार्यालयका अनुसार भूकम्पमा परेका मानिसहरूको उद्धारकार्य अपराह्नसम्म करिब सकिएको छ ।
प्रहरीका अनुसार मृत्यु हुनेको संख्या दुबै जिल्लामा गरी १३८ पुगेको हो ।
जाजरकोटमा मात्रै १०० जनाको मृत्यु भएको र रूकुम पश्चिममा ३८ जनाको मृत्यु भएको छ ।
दुईचार घरमा उद्धार कार्य बाँकी रहेको र केही गम्भीर घाइते रहेकाले मृतकको संख्या केही बढ्न सक्ने अनुमान गरिएको छ ।
